Charlas de Psicoloxía na Biblioteca 2018. O estigma das enfermedades mentais

Baixo o título O estigma das enfermedades mentais, tivo lugar o pasado venres 23 de febreiro na biblioteca do noso centro a segunda das nosas charlas de psicoloxía. Esta charla estivo organizada pola biblioteca do centro en colaboración co departamento de filosofía.

As psicólogas Laura Baliña e Aldara Pérez faláronnos dos mitos que rodean a estas enfermedades, ademáis de achegarnos a elas. Para iso, recurriron a actividades prácticas que obrigaron aos nosos alumnos a porse no lugar das persoas que sofren este tipo de enfermedades. Resultou unha charla moi reveladora e participativa. Un gran éxito!.

Publicado por Flor R. Lemos

Corazón, corazón

Co gallo da celebración do Día dos Namorados, os alumnos e alumnas do noso centro realizaron unha exposición na que interpretan o amor baixo a forma de distintos tipos de corazóns. Agardamos que vos guste.

Publicado por Flor R. Lemos

Personaxes do entroido

Os alumnos de antropoloxía de 1º de BAC do IES Río Cabe, coordinados pola profesora, Flor Lemos, realizaron unha exposición sobre personaxes do entroido. Con este traballo, ademáis de dar a coñecer figuras como o Oso de Salcedo, os Troiteiros de Bande, os Merdeiros de Vigo, a Pita de Eiroás, ..., téntase facer unha reflexión sobre esta festividade.

Recolleron teorías sobre a súa orixe que van dende a idolatración de Carna, deusa das fabas e do touciño, pasando polas antigas celebracións na honra do deus do viño, Dionisos, as festas de tolos medievais, ata os ritos prehistóricos relacionados coa fertilidade das terras, mulleres e gando.

Tamén indagaron no seu significado antropolóxico facendo ver como esta festa simboliza a entrada nun novo ciclo no que se rompen os vellos esquemas do inverno e ofrece unha esperanza de vida.

Asimesmo reflexa o triunfo do público sobre o privado, fomentando a solidariedade e o esquecemento das diferenzas.

En definitiva, amosáronnos un entroido como tempo de excesos, momentos festivos, símbolo da vida e fertilidade, esceario de burla e crítica social e política e como inversión da normalidade cotiá.

Publicado por Flor R. Lemos e Xurxo R. Labrador

Máscaras de entroido

O entroido chegou ao noso centro da man dunha espectacular exposición de máscaras realizadas polos alumnos de 4º da ESO baixo a dirección do profesor de plástica, Bernardino. 

Estas máscaras realizadas integramente polos rapaces permitíronos coñecer directamente algún dos personaxes máis representativos do noso entroido: cigarróns, peliqueiros e as pantallas.

Publicado por Flor R. Lemos e Xurxo R. Labrador