Baseándose na idea ilustrada que identificaba á luz co saber e á oscuridade e ás tebras coa ignorancia, os nosos alumnos de 4º de ESO xunto co seu profesor de Educación Plástica, Bernardino Cerviño, fixeron unha serie de debuxos que ilustran con claridade esta idea.
Os catro debuxos atópanse na entrada do centro.
Para este mes de Abril, recomendamos a obra doutra "amiga" de Bibliocabe, Eli Ríos.
O pasado curso 2019/20 disfrutamos con ela de 2 seminarios de microrelatos da igualdade. Eli axudounos a desmitificar e facer unha lectura en clave de igualdade de obras como "Harry Potter", "Cenicienta", "Xogo de tronos", ....
Por todo o anterior e pola súa indiscutible calidade literaria animámosvos a descubrir a súa obra, dende "Marta e Pintega", pasando por "Remexido de patacas" e "María Victoria Moreno" ata obras conmovedoras como "Luns", onde unha muller de éxito recibe un luns un diagnóstico de cancro de mama no que apenas ten dous meses por diante.
Tampouco nos deixará indiferente o "Ceo das reixas", onde recrea o ambiente carcelario a partires de protagonistas femininas. Pola súa parte "DX" faranos reflexionar sobre a sumisión a un sistema baseado no poder dos cartos, sobre a cobiza intrínseca á condición humana, sobre a rebeldía, a culpabilidade, ...
Dende logo razóns non nos faltan para recomendarvos que leades e releades toda a obra desta autora.
De seguido, tedes a visión que os nosos alumnos de 1º da ESO desenvolveron do noso autor tras visitar a exposición.
Como curiosidade tamén podedes ver a figura de Shakespeare e a súa obra en postais e mesmo en tazas.
¿Precisades máis motivos para vir ver a nosa exposición?
En colaboración co departamento de inglés, dende Bibliocabe quixemos homenaxear a un dos máis excelsos escritores da literatura universal: W. Shakespeare, o cal naceu e morreu un 23 de abril ...
Esta homenaxe consistiu nunha exposición sobre a súa vida e obra, caricaturas súas, a súa presenza no cine, na ópera, nas postais, ...
A exposición está a ser visitada en grupos burbulla e visitas guiadas por todos os nosos alumnos.
