Refuxiados, guerras, desprazamentos forzosos... son temas que desgraciadamente hoxe están de actualidade.
Recomendamos estes libros que poden axudar a reflexionar sobre situacións que nunca deberían existir.
Como complemento a actividade realizada polos alumnos, o Equipo Bibliocabe recopilou algunhas declaracións de amor, pertencentes a películas que os rapaces adoitan ver. De seguido tedes algunhas.
"Te amo más que Magnus a Presidente Miau", "me gustas más que un libro", "eres a banda sonora da miña vida", "te quiero un montón, como el protón al electrón", ... Os nosos alumnos responderon ao desafío lanzado por Bibliocabe: Declárate!!
Estas declaracións poor eles feitas e adornadas, xunto con outras pertencentes a películas, ambientaron a entrada do centro. Para que este día foxe doce para todos, repartimos piruletas con forma de corazón que arrasaron entre os alumnos. Feliz San Valentín!!
Publicado por Flor R. Lemos e Xurxo R. Labrador
O venres 28 tivemos unha interesantísima reunión do grupo de pais, profesores e persoal non docente de Balbordo coa autora de seique (Através editorial). O texto foi elixido polos libreiros de Madrid no 2019 como mellor título de fición e está traducido ó castelá e recentemente ó inglés. Tamén foi galardoado co Premio de Narrativa na V Gala do Libro galego no 2020.
Susana Sánchez, que foi profesora do noso centro hai anos, compartiu detalles da súa experiencia escritora, os motivos que a levaron a contar unha historia que parte do núcleo familiar, do escoitado, recordado, investigado pero tamén contado por outros personaxes e (na obra) por un "coro" que simboliza a memoria colectiva. A figura central é a do fascista que aterroriza e reprime, que chegou a ser alcalde, que só provoca dor... é o "tío Manuel" esa figura omnipresente na boca de todos pero tamén na memoria da familia .
Constrúe un mosaico de visións e opinións sobre unha época de moitas vítimas inocentes, da dura represión franquista, de silencios colectivos que non deberían quedar no esquecemento.
Escrito todo con minúsculas para non outorgar protagonismo ós que non o merecen, para non diferenciar con maiúsculas nomes ou movementos que ocasionaron terror, danos e medos inmensos... Cunha prosa áxil, certeira, punzante como o que narra roza o poético e o teatral na súa orixinal construción argumental.
Agradecémoslle a Susana a súa presenza no noso centro, na Biblioteca, para compartir no club de lectura impresións, reflexións e detalles deste moi recomendable texto.
Moitas grazas!
Suscribirse a:
Entradas (Atom)
