Co fin de continuar co espírito do Samaín, Bibliocabe recoméndavos a lectura dalgunha destas arrepiantes obras. Agardamos que teñades unha longa ponte terrorífica e chea de pesadelos!!!!!!
Publicado por Flor R. Lemos e Xurxo R. Labrador
Hoxe a nosa Biblioteca encheuse das personaxes dos nosos pesadelos. Alumnos e profesores disfrazámonos para a ocasión. O resultado foi unha Biblioteca abarrotada de monstros. Completamos a actividade coa visualización de curtos de terror que fixeron que todos arrepiásemos.
Publicado por Flor R. Lemos e Xurxo R. Labrador
Bota fóra os teus medos foi unha actividade proposta por Normalización Lingüística e os Departamentos de Galego e Castelán. Esta orixinal iniciativa tivo moito éxito e axudou aos nosos alumnos a conxurar os seus medos. Medo a Putin, a morrer soa, a suspender, ao director, ás arañas, á escuridade, a repetir curso,e mesmo a Fernando VII foron algúns dos máis repetidos.
Completouse a actividade cunha selección de libros de medo da Biblioteca. Parabéns por esta divertida iniciativa!!!
Publicado por Flor R. Lemos e Xurxo R. Labrador
Cabezas humanas, arañas, serpes,labirintos, monxas, a morte, monstros......purgas, foron os principais protagonistas dos pesadelos dos rapaces. A súa capacidade para describir o horror destes soños sorprendeu a todo o Equipo de Bibliocabe, destacando o pesadelo A purga. Unha vez máis os rapaces sobrepasaron con creces as nosas expectativas.
Moitos destes pesadelos están expostos na entrada do centro para que toda a comunidade educaiva os poda ler e ver as súas representacións.
Noraboa rapaces polo voso magnífico traballo!! Unha vez máis, dende Bibliocabe dámosvos as grazas pola vosa implicación.
Publicado por Flor R. Lemos e Xurxo R. Labrador
Un ano máis, e se cabe con máis forza, volve Balbordo o noso Club de Lectura coordinado por Beatriz González. Nestes momentos Balbordo abarca unha chea de Clubs de lectura, dende Balbordo Adultos, a Balbordo-Bis, Balbordo temático, Balbordo 1º ciclo da Eso, Balbordo 2º ciclo da Eso,..........xa perdimos a conta!
Un ano máis animámosvos a participar. De seguido, tedes algúns suxerentes e motivadores carteis realizados por Beatriz González onde se sinalan libros e datas das reunións do primeiro trimestre. Non será por non ter onde escoller!
Podedes seguir todas as reunión e novidades no blog Balbordo
Publicado por Flor R. Lemos e Xurxo R. Labrador
Suscribirse a:
Entradas (Atom)
