Dende Bibliocabe pensamos que non hai mellor maneira de festexar o ano, o mes, o día do libro, que lendo.
De seguido, facémosvos algunhas suxerencias de libros informativos, de misterio e asasinatos e manga. Agardamos que nesta pequena escolla atopedes obras que vos fagan voar, disfrutar, pasar medo, rir e mesmo chorar.
Libros imaxinados é o resultado da orixinal iniciativa impulsada por Paula e Anabel, membros do Equipo da Biblio, con motivo do mes do Libro.
Os rapaces tiñan que imaxinar unha portada e unha contraportada, pero ademáis tamén se lles pediu que eses libros fosen froito da súa imaxinación. Como sempre os rapaces sorprendéronnos coas súas ideas, tanto cos títulos dos seus libros como co resumo do seu contido.
Os traballos dos rapaces, expostos na entrada do centro, están acompañados dos nosos "Lectores de Bibliocabe" (rapaz e rapaza) realizados polos rapaces de ESO xunto coa nosa marabillosa Artista, Anabel.
Parabéns a rapaces e profesoras e graciñas por colaborar en todas e cada unha das actividades que vos propoñemos.
Unha imaxe vale máis que mil palabras. Abre os ollos!
PORTADA E CONTRAPORTADA
23 DE ABRIL DE 2026
Rematamos o mes de marzo comezando a preparar o Día do Libro. Este ano, propoñemos que nos contedes cal sería o voso libro ideal: que título levaría? Quen o protagonizaría? Centraríase no amor, no misterio, no violencia, na amizade...? Deixa que a túa imaxinación voe e participa!
Publicado por Paula Martínez
O mércores 18 de marzo, o alumnado de 3.º e 4.º de ESO participou na I Liga Escolar de Debate organizado por Bibliotecas Escolares. A actividade, que se celebra en diferentes centros educativos de Galicia, levou hoxe ao noso almnado ao IES Lucus Augusti, acompañados polas profesoras do Club de Debate do centro, Pilar López e Silvia Ferrín. Non pasaron á seguinte fase, pero fixérono xenial! Agardamos que o ano que vén continúe esta proposta das Bibliotecas Escolares e que poidamos seguir participando.
Co motivo do 8M, deixámosvos unha selección das últimas incorporacións da nosa biblio: álbum ilustrado, cómic, novela xuvenil e novela de adultos, en castelán e en galego. Todas teñen en común estar escritas por mulleres.
Agardamos que vos gusten!
Este curso, para traballar o 8M, a Biblioteca e o EDLG do noso IES, escollemos a canción "Matriarcas" de Guadi Galego e preparamos unha actividade para que todo o alumnado da ESO reflexionase sobre a importancia da muller no día a día. Agradecemos, de antemán, aos titores e titoras da ESO a súa colaboración para levas a cabo a proposta nas horsa de titoría.
A actividade comezaba cun ditado musical da canción "Matriarcas", de Guadi Galego. Tras escoitar un par de veces a canción para encher o ocos que faltaban (e traballar, así, un pouquiño de vocabulario), estableceuse en cada aula un diálogo para reflexionar sobre o contido da canción e, finalmente, cada alumno pensou na súa propia matriarca destacando por que a muller escollida era importante para él: sairon nais, irmás, amigas, avoas, profesoras... A visibilización de todas esas mulleres anónimas converteu a entrada do noso centro nunha emotiva parada que pon en valor ás tan necesarias brillantes activistas da vida cotiá.
Deixámosvos aquí algunhas imaxes do resultado final.
