Antes do Nadal, enchemos a Biblioteca unha vez máis de maxia grazas ós Contos de Teresa Grau, que engaiolou ós rapaces de 1ºESO coa súa vez, a súa presenza e as súas verbas que chegan directas como un dardo e se desparraman no ar e nas atentas miradas...
Bo Nadal e merecidas vacacións para todos.
Laura Cereijido (do Departamento de Francés) prestounos, de novo, a súa creatividade e imaxinación para este día.
Na Biblioteca, na porta, amordazadas e sen posibilidade de dicir, de falar... metáforas de vidas esnaquizadas.
E despois do medo... calquera destes álbums vos fará sorrir.
Por si queredes pasar momentos de terror ou de inquietude... déixovos varias curtametraxes interesantes, de temáticas e estilos moi diversos.
Podedes atopalos en Youtube ou pinchando nos paneis da presentación de emaze: El corazón delator, Halloween Stories, Sebastian´s Voodoo, Deil, Juan con miedo, Jacinta e, por último, Ouija.
Un deles vímolo na Biblioteca no Recreo en anos pasados con motivo de actividades de Halloween e, no caso de Deil, contamos coa visita do seu director (ex alumno do Río Cabe) Iván Patiño.
Un deles vímolo na Biblioteca no Recreo en anos pasados con motivo de actividades de Halloween e, no caso de Deil, contamos coa visita do seu director (ex alumno do Río Cabe) Iván Patiño.
Dende a Biblioteca, propuxémoslles a profesores de distintos departamentos que os alumnos escribisen breves historias de terror, frases relacionadas... nos moldes variados que lles entregamos en cada grupo participante.
Con tesoiras, paciencia e, logo, un pouco de imaxinación encheron as dúas páxinas en branco que había xunto coa cartolina.
De 1ºESO ata 2 BAC participaron grazas á colaboración do Departamento de Plástica, L. Galega, L. Castelá, Inglés e Francés.
Con tesoiras, paciencia e, logo, un pouco de imaxinación encheron as dúas páxinas en branco que había xunto coa cartolina.
De 1ºESO ata 2 BAC participaron grazas á colaboración do Departamento de Plástica, L. Galega, L. Castelá, Inglés e Francés.
Tamén con calma, fomos colgando das árbores, da entrada do centro e da porta da Biblioteca, as creacións dos rapaces. Por eso agora andan polas ramas... buscando a ver si atopan o seu texto!
Neste caso hai que agradecer a axuda do Departamento de Orientación.
Neste caso hai que agradecer a axuda do Departamento de Orientación.
E dentro da Biblioteca de novo pola colaboración de Laura (a autora da bruxa da entrada...) podemos contar cun orixinal móbil que adorna o teito.
Hoxe comezamos na Biblioteca a nosa particular ambientación para os inicios de novembro.
O profesor de plástica, Manuel S. Seco, organizou os decorados na entrada do centro.
A profesora Laura Cereijido (que hai anos xa colaborara activamente coa Biblioteca) preparou unha terrorífica bruxa cos seus aderezos, o magnífico mural e o paraugas que preside a entrada no vestíbulo.
O profesor de plástica, Manuel S. Seco, organizou os decorados na entrada do centro.
A profesora Laura Cereijido (que hai anos xa colaborara activamente coa Biblioteca) preparou unha terrorífica bruxa cos seus aderezos, o magnífico mural e o paraugas que preside a entrada no vestíbulo.
E mañá... continuaremos.
Para celebrar o día das Bibliotecas, entregaremos esta pequena guía de axuda sobre o funcionamento e a distribución da nosa. Agardamos sexa útil...
Setembro de 2015...
Novo curso, novos alumnos, profesores... meses e meses por diante para compartir momentos de lectura e actividades.
Hai bastantes anos xa, moitos dos rapaces que comezan 1º ESO no noso centro estes días viñan de visita á biblioteca para unha actividade do Día do Libro infantil ("Paixón de papel"). Nesta mesma Biblioteca na que entran estes días (6 anos despois) observaron cos seus ollos de nenos moitos libros Pop-up e ilustrados, escoitaron ós alumnos maiores contar historias e compartiron un espazo que foi un lugar de xogo para todos os que participamos nesa actividade...
Hai bastantes anos xa, moitos dos rapaces que comezan 1º ESO no noso centro estes días viñan de visita á biblioteca para unha actividade do Día do Libro infantil ("Paixón de papel"). Nesta mesma Biblioteca na que entran estes días (6 anos despois) observaron cos seus ollos de nenos moitos libros Pop-up e ilustrados, escoitaron ós alumnos maiores contar historias e compartiron un espazo que foi un lugar de xogo para todos os que participamos nesa actividade...
Benvidos de novo á Biblioteca do Río Cabe... Os que volvedes e os novos, oxalá podades atopar na nosa Biblioteca todos os que entredes nela moitos soños, moitas historias, moita paixón de papel e algunha vez vos emocionedes cun libro como cando erades nenos...
Durante a semana do 10 ao 15 de maio celebramos no IES Río Cabe as Letras Galegas. Na entrada, coma sempre, algunhas suxerencias lectoras para toda a Comunidade Educativa, unha pequena exposición sobre a vida e obra do homenaxeado deste ano, Xosé Fernando Filgueira Valverde e un recordatorio fotográfico dalgúns autores premiados ao longo destes 52 anos.
O equipo de Normalización Lingüística xunto co departamento de galego celebrou o día 15 de maio a final do concurso de oratoria na ESO, que tanto éxito tivo entre os nosos alumnos. Desenrolouse durante o mes de maio e nel participaron 1,2,3,4 de ESO. O concurso de oratoria consistía en sacar ao chou unha palabra en galego e falar dela durante 1minuto. Foi moi divertido, descubrimos cualidades oratorias de moitos rapaces que non coñecíamos. Os gañadores foron: Gloria Pérez, Nuria Ramos e Pablo Tierra de 1 e 2 ESO. Aldara Otero, Lucía Rodríguez e Iago Casar de 3 e 4 de ESO. Debido a gran participación, este concurso terá probablemente continuidade o vindeiro curso académico.
Como en anos anteriores, na Biblioteca do IES Río Cabe, festexamos o día do libro, cunha actividade moi querida por toda a comunidade educativa, a do AMIGO INVISIBLE e que lexos de ir a menos, cada ano é máis popular entre o noso alumnado e profesorado.
Recordamos que a actividade consiste en agasallar un libro de forma anónima e por sorteo. A verdade é que, esta cousiña de non saber quen che vai facer un agasallo é bastante emocionante para todos. Este ano organizámolo da seguinte maneira: No salón de actos do centro, a hora do recreo, os libros formando unha figura semellante a un "iglú", moi artístico por certo, e cada un dos participantes recolle o seu agasallo e entrega outro, o que toque, ben sexa para un compañeiro ou para un profesor.
Aquí tedes o resultado:
Recordamos que a actividade consiste en agasallar un libro de forma anónima e por sorteo. A verdade é que, esta cousiña de non saber quen che vai facer un agasallo é bastante emocionante para todos. Este ano organizámolo da seguinte maneira: No salón de actos do centro, a hora do recreo, os libros formando unha figura semellante a un "iglú", moi artístico por certo, e cada un dos participantes recolle o seu agasallo e entrega outro, o que toque, ben sexa para un compañeiro ou para un profesor.
Aquí tedes o resultado:
Na estantería da entrada ó
instituto estiveron expostas lecturas recomendadas e, ¡como non!, puxemos en
marcha o tradicional concurso de cartas de amor. Nel participaron alumnos de
todos os cursos.
Finalmente foron dúas cartas
as premiadas: unha de terceiro de ESO, presentada por Ana Bouza, e outra de primeiro BAC, feita por Leidy.
Neste día, o 30 de xaneiro, tivo lugar na biblioteca unha actividade de animación organizada por Cristina Fernández Santomé, profesora de lingua castelá.
A actividade consistía no seguinte: varios alumnos de 2B ESO prepararon unha presentación de tres álbumes ilustrados (El autobús de Rosa, de Silei e Quarello; O principio, de Paula Carballeira e Danouwski; El sueño de Lu Shzu de Ricardo Gómez e Teresa González) e contaron esas tres historias a nenos do Colexio das Gándaras e do Colexio Novo, que neste día estaban de visita no noso centro.
Dende a Biblioteca do IES "Río Cabe" FELIZ ANO 2015. Esperamos que aproveitedes este novo ano que comeza para ler e aquí tedes moitas suxestións, que por riba son novidades na Biblioteca:
Suscribirse a:
Entradas (Atom)
