Nestes días, e ata ben avanzado Outubro, temos en Bibliocabe a exposición: Educación en Feminino. Trátase de 34 pósters elaborados polo alumnado do Grao en Mestre de Educación Primaria e Dobre Grao en Primaria e Infantil na materia de THEE da Facultade de Formación do profesorado da USC.
Con esta exposición preténdese recoñecer e homenaxear a unhas poucas mulleres, referentes en educación, normalmente descoñecidas para o gran público e memo para os profesionais do ensino. Coñeceremos a vida e obra de Safo de Lesbos, Hipatia de Alexandría, María Montesori, Emma Goldman, Anne Sullivan e Hellen Keller, Gabriela Mistral, Josefina Aldecoa, María de Maeztu, Elisa Sánchez e Marcela García............Este "paseo pola historia" intenta contribuír a poñer en valor e difundir o legado pedagóxico destas mulleres, o da "educación en feminino".
Tódolos nosos alumnos están a pasar pola Biblioteca, no horario asignado a cada curso e grupo, co fin de visitar a exposición e de empaparse do espírito, sabedoría, valentía e historia destas grandes descoñecidas.
Dende Bibliocabe queremos agradecer o labor realizado polo noso ex-alumno e colaborador, Iván Castro Álvarez ao darnos a coñecer esta magnífica exposición, facilitarnos o ter acceso a ela, e ao ser o coautor dun dos pósters máis especiais: o de Safo de Lesbos. Graciñas, Iván!!!!
0 comentarios:
Publicar un comentario