Shakespeare na ópera e no cine

Películas como "Shakespeare in love", "Othello", "Moito ruido e poucas noces", "King Lear", "Romeo e Xulieta", son só algunhas das que podedes disfrutar na nosa exposición. 

 

 

 

 Tampouco podemos deixar de lado óperas tan inesquecibles como "Othello", "Macbeth", "Hamlet", ...  así como un  precioso cadro do teatro The Globe que acompaña aos carteis destas funcións.

 

 

Publicado por Flor R. Lemos e Xurxo R. Labrador

 

Shakespeare en Bibliocabe

En colaboración co departamento de inglés, dende Bibliocabe quixemos homenaxear a un dos máis excelsos escritores da literatura universal: W. Shakespeare, o cal naceu e morreu un 23 de abril ...

Esta homenaxe consistiu nunha exposición sobre a súa vida e obra, caricaturas súas, a súa presenza no cine, na ópera, nas postais, ...

A exposición está a ser visitada en grupos burbulla e visitas guiadas por todos os nosos alumnos.

 

 

 

 

 

Publicado por Flor R. Lemos e Xurxo R. Labrador

 

Unha nova porta para a nosa Biblio

Aproveitando este mes do libro, dende a Biblioteca prantexamos un reto aos nosos alumnos e ao profe de plástica: 

1. Elixir un libro significativo paa eles.
2. Escoller un  motivo do libro (pasaxe, debuxo, ...) que consideren importante.
3. Facer un deseño orixinal dese motivo.
4. Pintar as portas da nosa Biblio con ese deseño!!

O reto foi aceptado. Entre moitos libros resultou gañador "O principiño", e o deseño gañador está a ser plasmado nas nosas novas portas da Biblio.

Pronto amosaremos o resultado final.

 

 

Publicado por Flor R. Lemos e Xurxo R. Labrador

Nove meses, nove mulleres. Montse Fajardo

Tras asistir o pasado curso á obra teatral "Invisibles", baseada no texto homónimo de M. Fajardo, este ano recomendámosvos que vos adentredes na obra desta comprometida xornalista e escritora. As súas obras non deixan indiferentes a ninguén. 

Non só vos animamos a leer "Invisibles" (relatos do maltrato), ou "Matriarcas" (Testemuñas de dez mulleres galegas que sacaron adiante ás súas familias na posguerra), senon tamén "Un cesto de mazás".

Como as obras de Fajardo, "Un cesto de mazás" é unha obra dura xa que nos fala das víctimas do 36 e do tempo que veu, fala de foxas, batallóns, cárceres e exilio. Nela, pretende recuperar a voz das víctimas directas e das colaterais xa que como ten afirmado a autora "detrás de cada persoa fusilada ou asesinada nunha cuneta, hai un ronsel doutras víctimas que moitas veces nen sequera son consideradas como tal".

 

 

Publicado por Flor R. Lemos e Xurxo R. Labrador

Mulleres en pandemia

De seguido tedes algunhas imaxes da exposición que sobre as mulleres que traballaron nas distintas vacinas para a COVID-19, temos na entrada do centro.

 

 

 Publicado por Flor R. Lemos e Xurxo R. Labrador

 

8 M. "Fronte ao mesmo obxectivo, nada nos detén". Mulleres detrás das vacinas

Cun impactante e optimista poster realizado polo noso colaborador Alejandro García, dende Bibliocabe queremos celebrar este 8 M cun esperanzador e empoderador mensaxe: Fronte ao mesmo obxectivo, nada nos detén.

 

 

Este poster acompáñase dun video e unha exposición no que reivindicamos o papel da muller nun tema como o das vacinas. Tras facer unha pequena "vista atrás", lembrando o papel decisivo de mulleres como Isabel Zendal, centrámonos na actualidade destacando o labor de: 

• Sarah Gilbert, a mente detrás da vacina de AstraZeneca. 
• Amy Flaxman, membro do equipo de investigación de Osford-AstraZeneca. 
• Kathrin Jansen, o cerebro que se atopa detrás da vacina de Pfizer. 
• Chen Wei, responsable en China da loita contra todo tipo de virus e directora do equipo que fixo as vacinas de Sino Pharm e Sinovac. 
• Kizzmekia Corbett, responsable do equipo que traballou na vacina de Moderna. 
• Isabel Sola, quen codirixe con Luis Enjuanes o equipo que está a desenvolver a vacina do CSID no noso país.

Nunca mellor dito: fronte ao mesmo obxectivo, nada nos detén!!!!.

 

Publicado por Flor R. Lemos e Xurxo R. Labrador