Os reporteiros de Bibliocabe entrevistan a Edgar Amando Cloos

O alumnado de 3º ESO participou nunha actividade relacionada co Plan Proxecta , Patrimonio Etnográfico da Riveira Sacra , que este ano estuda as minas de Freixo.

 

Esta actividade, realizada en colaboración coa Biblioteca, consistiu nunha entrevista a Edgar Armando Cloos, presidente da Audiencia Probincial de Lugo ata a súa recente xubilación, e neto de Federico Guillermo Cloos, vicecónsul alemán e inxeñeiro que dirixiu a explotación das minas de Freixo nos anos 20.

As preguntas que os reporteiros de Bibliocabe realizaron ao noso convidadeo foron tanto de ámbito profesional como persoal. Destacar as amenas e ilustrativas respostas de Edgar Closs, que fixo que os 30 minutos que durou a entrevista pasasen moi rápido conseguindo, ademáis que todo alumnado estivese atento e interesado no tema.

 

Agradecer ao noso convidado ter aceptado a nosa invitación e ao alumnado a súa implicación e interese na actividade. Mención especial aos nosos reporteiros: Verónica, Martín, África,  Anxo, Angy, Alberto, Uxía e Rubén. Graciñas unha vez máis.

Publicado por Flor R. Lemos e Xurxo R. Labrador



27 de Marzo, día do Teatro.

 Co gallo do día do Teatro este 27 de Marzo , dende Bibliocabe invitámosvos a ler, representar e ver unha ou varias obras de Teatro. Estamos seguros de que a experiencia será inesquecible.




Publicado por Flor R. Lemos e Xurxo R. Labrador


Recitando poesía de.....: Rosalía!

 Como non podía ser doutro xeito, conmemoramos este día da poesía cun recitado de poemas na Biblioteca. Os poemas elexidos foron de Rosalía. Deste xeito conmemoramos a Rosalía e a Poesía.









 Publicado por Flor R. Lemos e Xurxo R. Labrador


21 de marzo, Día da poesía. Poesía escríbese con M de muller

 Neste día Mundial da poesía, dende Bibliocabe, animámosvos a ler poesía, eso sí poesía feminina porque "poesía escríbese con M de muller".

Atrevédevos a coñecer a Rosalía, Alfonsina,Gabriela,Gloria,Marguerite, Nelly e as súas obras!

 





 Publicado por Flor R. Lemos e Xurxo R. Labrador

 

Encontro con escritores: Olga Novo

 O mércores 19 de marzo de 2025 tivemos a sorte de recibir, un ano máis, no IES Río Cabe  á poeta  Olga Novo, para manter un encontro literario co alumnado de 2º de Bacharelato.

 A autora compartiu experiencias sobre a súa chegada á poesía e a escrita desta. Tamén falou en detalle sobre as influencias que a marcaron ao longo dos anos nos seus poemas. 

Coma sempre, é un inmenso privilexio poder contar coa presenza de Olga! 

Grazas ao departamento de Galego e a nosa integrante do Equipo de Biblioteca, Pilar, por organizar este memorable encontro literario.

 





 Publicado por Flor R. Lemos e Xurxo R. Labrador


 

O club dos filósofos de Bibliocabe: Mulleres filósofas

 Este curso iniciamos unha nova actividade: a do Club dos filósofos de Bibliocabe. Trátase dun club de reflexión, cuestionamento, investigación... Neste caso, os nosos investigadores filósofos decidiron indagar sobre o papel da muller na filosofía, descubrindo filósofas e obras tan interesantes como as que ides ver. Parabéns aos integrantes deste club formado por alumno de 4Eso A, B e PDC. Noraboa rapaces!



 

 Publicado por Flor R. Lemos e Xurxo R. Labrador