0 día 30 de xaneiro, celebramos no IES Río Cabe o Día da Paz coa
culminación da actividade "A pomba da Paz mensaxeira". O alumnado,
dirixido polos seus profes nas horas de titoría e nas clases de valores,
seguindo as instrucións que se repartiron entre eles, elaborou pombas de papel
de distintas cores formas e tamaños. No
interior colocaron mensaxes de paz e conciliación e no exterior escribiron o
nome da persoa a quen o dirixiron ditos mensaxes. Hoxe, no tempo de lecer, os
alumnos/as e alumnas buscaban a súa pomba mensaxeira coa esperanza de atopar no
seu interior unha mensaxe de reconciliación por disputas pasadas ou un desexo
de paz no futuro. Obxectivo cumprido! Mellorar a convivencia no noso centro e
deixar que eses sentimentos cara os nosos compañeiros e compañeiras afloren e
se fagan visibles a través da escritura.
Seguindo as instrucións
que tes na parte inferior deste folio, constrúe a túa propia pomba da paz. No papel que utilices
para construír a pomba escribe previamente unha mensaxe de paz que ocupe dous
ou tres liñas dirixida a un compañeiro/a. O nome do destinatario/a da mensaxe
debe estar escrito con claridade e visible
no exterior da pomba.
Publicado por Flor R. Lemos e Xurxo R. Labrador
0 comentarios:
Publicar un comentario