Nove meses, nove escritoras galegas. María Oruña

Mentres agardamos á publicación de O souto dos catro ventos, versión galega do El bosque de los cuatro vientos, recomendámosvos a lectura de toda a obra literaria de María Oruña

Se vos gusta o misterio, as historias en dous tempos e vos sentides atrapados pola máxia do mosteiro de Santo Estevo e os seus arredores, non podedes deixar de ler a súa obra. Seguro que a disfrutaredes moito.

 

Publicado por Flor R. Lemos e Xurxo R. Labrador


Postais de Nadal 2020

 Como xa ven sendo tradición, este ano celebramos unha vez máis o concurso de Postais de Nadal. A postal gañadora será enviada a tódalas familias e entregada a tódolos membros da comunidade educativa do IES Río Cabe. As postais atópanse na entrada do centro, debidamente plastificadas, xunto cun precioso debuxo do Apalpador realizado por Bernardino Cerviño, compañeiro do departamento de Educación Plástica e Visual.

























 Publicado por Flor R. Lemos e Xurxo R. Labrador


Álvaro Goyanes, un riocabense no cume da investigación científica

Este luns 21 tivemos a inmensa sorte de contar entre nós con Álvaro Goyanes, un exalumno do Río Cabe, investigador de élite na impresión 3D de medicamentos, para impartir unha charla a alumnos de 2º de BAC. 

Álvaro Goyanes, licenciado en Farmacia, é actualmente director de Desenvolvemento e cofundador da empresa FabRX, que é a primeira compañía adicada á impresión 3D de medicamentos personalizados, con sede en Londres. Igualmente é Profesor Honorario na University College London-School of Pharmacy do Reino Unido e profesor a tempo parcial na Facultade de Farmacia de Santiago de Compostela. Ten publicados unha grande cantidade de artigos científicos e tamén forma parte da lista dos investigadores máis salientables do mundo en 2019 e 2020, elaborada por Web of Science.

 

Na charla dirixida aos alumnos, Álvaro Goyanes falou da súa estancia no IES Río Cabe como alumno, dos estudos de Farmacia que realizou en Santiago de Compostela, onde tamén obtivo o grao de Doutor, así como da súa estancia na University College London, onde se adentrou no mundo da impresión 3D. Alí tivo claro o seu obxectivo: a personalización dos medicamentos. Ao mesmo tempo deuse conta que para lograr este obxectivo, tiña que introducir impresoras 3D nos hospitais para que os farmacéuticos puderan producir as fórmulas personalizadas para cada paciente en tempo real. Como non existía a tecnoloxía para facelo, tivo que porse mans á obra. Con outro compañeiro fundou a empresa FabRx, encargada de deseñar a primeira impresora 3D para uso farmacéutico do mundo. Toda unha fazaña dado que non existe nada semellante no mundo. 


Para comprobar o funcionamento deste sistema, a súa empresa, FabRx realizou o primeiro estudo clínico de medicamentos impresos en 3D, en colaboración coa Universidade de Santiago de Compostela e o Hospital Clínico de Santiago. Este estudo foi dirixido a rapaces que padecen unha enfermidade rara coñecida como enfermidade dos ouriños con cheiro a xarope de arce. Efectuaron a impresión de gominolas coa dose do medicamento personalizada a cada paciente, logrando unha grande aceptación.

Para rematar, Álvaro animou aos alumnos presentes a facer investigación científica e a perseverar nas súas inquedanzas, iso si, sabendo que para conseguir o éxito é fundamental o tesón, o sacrificio e moitísima dedicación ao traballo.

Moitas grazas, Ávaro, foi un pracer escoitarte e estamos desexando volver a contar coa túa presencia no IES Río Cabe, lugar ao que sempre pertencerás. Noraboa Riocabense!!!!!!



 
 Publicado por Flor R. Lemos e Xurxo R. Labrador

 


Beethoven, celebrando unha vida e unha obra

Cun grupo de 90 alumnos, a profesora de música Eva Dios, realizou no pabillón do centro unha xenial mestura da música de Beethoven cun traballo de percusión corporal.

O resultado, unha festa, a festa dun gran Xenio.

 
 




 Publicado por Flor R. Lemos e Xurxo R. Labrador


Beethoven no cine e nos libros

 A exposición Beethoven, 250 anos do nacemento dun xenio, completouse cos apartados Beethoven nos libros e Beethoven no cine

Fixemos fincapé en obras como Beethoven, o músico xordo, Porqué Beethoven tirou o estofado, Big Bang Beethoven, ... ao lado doutras máis académicas como Beethoven , filosofía da música


Respecto ao cine, non só escollemos películas que falan sobre este grande xenio, senon tamén outras obras que utilizan a súa música ben como banda sonora ou ben nalgunha escea. Pensamos en películas tan coñecidas como O Pianista, O clube dos poetas mortos, A laranxa mecánica, ...

Publicado por Flor R. Lemos e Xurxo R. Labrador


Exposición: Beethoven, 250 anos do nacemento dun xenio

Porque 250 anos non son nada se se trata dun xenio, porque Beethoven é xa inmortal, porque a súa música está asociada á nosa vida, .... porque non necesitamos razóns, este xoves 16 de decembro en Bibliocabe, coa colaboración de Eva Dios (departamento de música) e Bernardino Cerviño (departamento de plástica), conmemoramos o nacemento deste persoaxe único e irrepetible. 

Dende a 1ª hora do día na nosa Biblioteca soaba a súa música e inaugurábase a exposición que preparamos exprofeso. A súa vida, imaxes da súa infancia, xuventude,  madurez, ... partituras das súas obras máis coñecidas .... estaban acompañadas de dous violíns, unha viola, unha batuta e seis Beethoven pop art realizados por Bernardino en colaboración cos seus alumnos. Tratábamos de dar a coñecer a un xenio, pero tamén á persoa, por iso non faltou a súa carta a Amada Inmortal ou as conxeturas sobre quen sería Elisa. 







 


 
Esta exposición que visitaron tódolos alumnos da ESO e de 1º de BAC en grupos burbulla, acompañouse da proxección dun video e das pertinentes explicacións do profesor acompañante sobre o homenaxeado.

 














Publicado por Flor R. Lemos e Xurxo R. Labrador