A árbore da diversidade

Unha árbore chea de diversidade, igualdade, respeto, non discriminación, solidariedade, ..., preside o primeiro andar do noso centro. É tamén a árbore das nacionalidades que pretende amosar que no IES Río Cabe e na súa Biblioteca non hai fronteiras de nengún tipo. Cada un dos seus adornos foron realizados íntegramente polos nosos alumnos. Unha pequena "Torre de Babel" na que están representados Marrocos, Arxentina, Colombia, Santo Domingo, Venezuela, ...

Este grupiño de alumnos de Pedagoxía Terapéutica forman parte tamén do noso clube de lectura Balbordo Bis. Parabéns a Oscar Romero, Sara Vallina, Izar da Costa, Amaro Hourri, Marwan El Khadim, Yago Elcoso, Yahya El Allam, Zouhir El Khadim, Soumia Boussairi, Ivan Camilo Castro, Fernanda Alcántara e Juxtin Hamilthonk. 

 

Publicado por Flor R. Lemos e Xurxo R. Labrador

Traballando con Eli Ríos

De seguido tedes unha pequena msotra do traballo efectuado por Eli Ríos cos alumnos de 2º de BAC do IES Río Cabe, no seu taller "Escritura en igualdade".
Agardamos que o disfrutedes tanto como nós o fixemos.


Publicado por Flor R. Lemos e Xurxo R. Labrador

Taller de escritura: microrrelatos da igualdade

Cun discurso áxil, ameno e divertido, Eli Ríos consegiu algo realmente difícil: converter ao noso alumnado de 4º da ESO en escritores de microrrelatos da igualdade. Unha vez máis, grazas Eli polo traballo desenvolvido cos nosos alumnos.

 

Publicado por Flor R. Lemos e Xurxo R. Labrador

Taller de escritura en igualdade impartido por Eli Ríos

Os nosos alumnos de 2º de BAC tiveron a oportunidade única de compartir parte do seu tempo cunha escritora tan implicada en temas de igualdade como Eli Ríos. Despois de desmitificar e facer unha lectura en clave de igualdade de obras como "Cenicienta", " Harry Potter", " Xogo de Tronos", ..., a nosa autora instou aos rapaces a escribir textos libres de prexuizos e violencia machista.

Coa súa profesionalidade, dinamismo e simpatía, consegiu que os rapaces se sentisen escritores da igualdade por un  día. Grazas Eli por ensinarnos que outra forma de escribir é posible.

 

Publicado por Flor R. Lemos e Xurxo R. Labrador

Charlas na Biblioteca. Para que non doa

Hoxe, na Biblioteca, participamos nunha charla impartida pola psicóloga Paula sánchez, experta en temas de Igualdade, baixo o título "Para que non doa". Falamos de relacións afectivo-sexuais na adolescencia, no marco da prevención  da violencia de xénero. Esta charla organizouna o Departamento de Orientación.

 

Publicado por Flor R. Lemos e Xurxo R. Labrador

Charlas na Biblioteca: Falamos de futbol..... en feminino?

Con este título un tanto polémico inauguramos as charlas na Biblioteca. Hoxe, ás 20 horas, tivemos a oportunidade de escoitar e intercambiar impresións con Ibán López. Ibán é entrenador do equipo de futbol feminino da Universidade de Florida.

Nesta charla falou da planificación deportiva, da competición norteamericana e das súas diferenzas con España. Pero o máis salientable para nós foi a súa vinculación coa igualdade ao visibilizar o futbol feminino, deporte minoritario entre as mulleres, e que, pola contra, esperta grandes paixóns entre os homes. 

Na charla a nosa Biblioteca abriuse a todo o público en xeral.

 

Publicado por Flor R. Lemos e Xurxo R. Labrador

Concurso Postais de Nadal

Outro ano máis, dende o Departamento de EPVA e Bibliocabe, organizamos o "II Concurso de Postais de Nadal do IES Río Cabe". A postal gañadora enviarase como felicitación navideña ás familias e á toda a comunidade educativa do IES Río Cabe.

Dende Bibliocabe queremos felicitar a Sara Rodríguez, alumna de 3º da ESO (colaboradora habitual da Biblioteca) e gañadora do concurso. Felicidades Sara!!!!!!

 

Publicado por Flor R. Lemos e Xurxo R. Labrador