Premio Concurso de Carteis do 8 de marzo de 2019

O noso alumno e colaborador habitual do equipo da Biblioteca, Alejandro García Rodríguez, recibiu na Cidade da Cultura de Galicia o segundo premio do  Concurso de Carteis do 8 de marzo de 2019,Día Internacional da Muller, organizado pola Secretaría Xeral de Igualdade da Xunta de Galicia. No seu cartel, Alejandro representa a visión que ten da muller: “unha muller forte, gañadora e con ganas de deixar atrás os prexuízos que nós mesmos causamos delas e cara a elas”.

O premio consistiu nun diploma acreditativo e cheque económico para o alumno. Tamén inclúe unha viaxe a casa de Rosalía de Castro e ao Galipark,  actividades nas que participarán os seus compañeiros de aula.Por último, un lote de libros sobre igualdade e feminismo para a nosa Biblioteca. De seguido tedes un vídeo desta especial xornada e  imaxes de Alejandro facendo entrega do lote de libros á encargada da Biblioteca.

Noraboa, Alejandro, polo teu  magnífico traballo e grazas por colaborar sempre, de forma incondicional, con este equipo de Biblioteca.
Publicado por Flor R. Lemos e Xurxo R. Labrador