PARA SOÑAR EN VERMELLO...


DEREITOS HUMANOS. Non é ficción, é moi real

A continuación, podedes ver unha mostra da exposición que percorre os pasillos do instituto ata a biblioteca, relacionada cos dereitos humanos e o cine.

Publicado por Flor R. Lemos e Xurxo R. Labrador

10 DE DECEMBRO, DÍA DOS DEREITOS HUMANOS

Con motivo da conmemoración do día dos dereitos humanos, decidimos ilustrar os distintos artigos da Declaración Universal dos Dereitos Humanos recurrindo ao cine. Organizamos unha exposición con 31 películas, unha por cada dereito máis o preámbulo. Mesturamos ficción e realidade porque moitas veces temos a sensación de que "todo é unha ficción". Os nosos alumnos, tan acostumados aos videoxogos, ás series, películas, ..., dalgún xeito precisan de doses de realidade. Este é o motivo desta mestura: que sexan conscientes de que non todo é ficción e que a realidade é moito máis cunha "fonte de inspiración".



Publicado por Flor R. Lemos e Xurxo R. Labrador

CHARLAS DE PSICOLOXÍA NA BIBLIOTECA. Técnicas para afrontar a ansiedade e o estrés I

Viktor Frankl afirmaba "se non está nas túas mans cambiar unha situación que te produce dor, sempre poderás escoller a actitude coa que afrontes ese sufrimento". Neste contexto, de saber como afrontar o que nos sucede nas distintas etapas da nosa vida, enmárcanse as charlas de psicoloxía na biblioteca, organizadas en colaboración co departamento de filosofía.
Etapa fundamental na vida dos nosos alumnos/as é a que corresponde a 2º de BAC, tanto pola súa idade como polas características propias deste curso. Trátase dunha etapa de cambios, incertidume, ansiedade, estrés, .... Xustamente a primeira das nosas charlas ten por obxecto como afrontar éstas situacións.
Coidamos que a biblioteca debe ser tamén un espazo de resolución de problemas non só teóricos, por iso baixo o título "Técnicas para afrontar a ansiedade eo estrés", Teresa Grau ofreceunos a primeira charla. Tratouse dunha sesión de carácter eminentemente práctico: respiración, técnicas de relaxación, meditación, expresión das emoción, ... Por motivos de espazo, "a nosa biblioteca trasladouse ao ximnasio".

De seguido amosamos un pequeno video da actividade feita no ximnasio
Publicado por Flor R. Lemos e Xurxo R. Labrador

Seguimos en Finlandia

No enlace que aparece a continuación, podes descargar a presentación que a nosa compañeira, Temi Madarnás, fixo o dia da charla "Un finlandés na nosa biblioteca". Moitas grazas, Temi, por compartir a túa experiencia.
PRESENTACIÓN

Un finlandés na nosa biblioteca

O pasado mércores, 30 de novembro, tivemos a posibilidade de coñecer de primeira man un sistema educativo que é referente para todo o mundo: o finlandés.
Nunha charla organizada pola biblioteca do IES Río Cabe, en colaboración co departamento de inglés, os nosos alumnos de ensino de adultos, así como todo o profesorado do centro, coñeceron a experiencia da nosa compañeira, a profesora Temi Madarnás, ao seu paso por centros educativos finlandeses. ¡Todo un éxito!





PARA SOÑAR EN NEGRO E GRIS...


CHEGOU SAMAÍN

Entre pantasmas, cabazas, bruxas, esqueletes, teas de araña, ..., chegou o Samaín ao noso centro. Todo comezou semáns antes cando nas portas da entrada do centro apareceron dúas terroríficas pantasmas acompañadas duns diaños.
Xa na entrada do centro, a situación non melloraba: terroríficas cabazas, pantasmas por todas partes, un aforcado, ..., Samaín estaba chegando e invadindo o noso centro.
Nesta invasión, chegou ata a biblioteca: nos paneis da entrada, nas súas portas, na "árbore" que está xunto á entrada, .... E qué decir do interior!; máis meigas, máis teas de araña, ..., por non mencionar o "gardián" da entrada que nos recibia con sons de ultratumba, blandindo a súa gadaña.
E así chegamos ao "Día S", o venres 28, onde entre curtos de terror e "chuches" ainda máis arrepiantes, todos xuntos celebramos un ano máis a chegada do Samaín.

DÍA DO MEDIOAMBIENTE. 5 XUÑO

E SEGUIMOS SOÑANDO... EN ROSA


PARA SOÑAR EN MARRÓN...


MANUEL MARÍA NA NOSA MEMORIA.

Moitísimas caixas de papel, con poemas e fotos do autor, moita participación do alumnado, moito traballo nestas dúas últimas semanas fixeron posible que este espectacular mural elaborado polo profesor de plástica Marcos Vilariño presida a entrada do centro.
No noso recordo sempre teremos a este gran poeta que tantos anos viviu en Monforte.


PARA SOÑAR EN VERDE...


CAMIÑOS DE LIBROS.

DÍA DO LIBRO. AMIGO INVISIBLE

O 22 de Abril anticipámonos ó Día do libro coa oitava edición do noso amigo invisible. Profesores e alumnos compartimos momentos de búsqueda e sorpresa. Onde estaba o libro co que nos agasallaron?



PLAN LECTOR. 2ª AVALIACIÓN

PARA SOÑAR EN AMARELO...


Continuamos soñando en amarelo...

NAMORADOS 2016

MOITO AMOR...

Grazas á colaboración de moito profesorado de diferentes asignaturas e da entusiasta participación dos alumnos, a proposta feita dende a Biblioteca de encher un soporte de papel hixiénico con poemas, frases, dedicatorias e un caramelo tivo unha resposta excelente. Frases en distintos idiomas, recortes, creacións persoais, imaxinación... puxeron a maxia buscada.


O luns 15 moitos alumnos buscaban a creación da súa clase e esperaban a sorpresa.


¡Moitísimas grazas pola vosa excelente resposta!

14 DE FEBREIRO


A profesora de francés, Laura Cereijido, coa súa creatividade axudou a encher de cor este día.


Na Biblioteca, unha maceta moi especial adornou, e endulzou,  o noso mostrador.
Ó fondo un Cupido feito tamén por dita profesora.


Este curso tampouco podían faltar os poemas con caramelo... que, ano tras ano, son un "clásico" desta celebración...


PLAN LECTOR 1ª AVALIACIÓN E VOLTA Ó INSTITUTO

Volta ó centro. Novo ano, novas lecturas.


Na 1ª Avaliación os resultados do Plan Lector  nos distintos grupos foron os seguintes:

 

Benvidos á Biblioteca.